Den área di Lima, BonBèrdè ta trahando riba Sabal Palm Park. Einan un espesie úniko di palma ta haña espasio di nobo pa krese. Di e manera akí nos no ta reskatá solamente un palma, pero algu ku ta di Boneiru mes.
Mustra proyektoMuchu hopi kabritu ku ta kome i kaba ku e vegetashon, ta traha lugá pa restorashon. Den e parke akí bo ta mira kon e vegetashon ta bini bèk pokopoko.
Mustra proyektoMangrove Maniacs ta trahando den Bahia di Lac riba restorashon di un área di palu di mangel ku ta bou di menasa. Pa medio di habri kanal i planta palu di mangel yòn, pokopoko naturalesa ta bini bèk atrobe.
Mustra proyektoReef Renewal Bonaire ta traha riba restorashon di ref di koral ku a sufri daño rònt di nos isla. Ku vários kultivo i sambuyadó i ku edukashon, koral salú ta krese bèk atrobe riba ref. Di e manera akí nos ta edifiká biodiversidat i un kosta ku ta resiliente pa futuro.
Mustra proyektoBoneiru ta kresiendo, i e kloaka ta krese huntu kuné. WEB ta hasi e planta di purifikashon mas grandi, di manera ku awa shushi no ta resultá den naturalesa mas. Bon pa nos refnan, bon pa bo salú.
Mustra proyektoDos instalashon nobo na Harbour Village i Plaza Marina ta sòru pa yatenan por deshasí na un manera seif di awa di tualèt. No ta basha awa shushi mas den laman. Mihó pa nos refnan, mihó pa nos mes.
Mustra proyektoEntre Belnem i Hato nos ta konektá 40 parsela adishonal riba e kloaka ‘vacuüm’. Anteriormente no tabatin konstrukshon riba e parselanan akí. Pa medio di e konekshonnan nobo ménos awa shushi no-purifiká ta resultá den naturalesa.
Mustra proyektoFor di wc te kañon di awa: na Boneiru awa shushi ta haña un di dos bida. Ku un instalashon nobo di UV, awa shushi ta keda purifiká mas mihó ainda i reusá na un manera seif den kunuku i den hòfi.
Mustra proyektoKu ‘Water Circles’ awa shushi no ta un menasa mas, sino un oportunidat. Na sinku sitio na nos isla nos ta tèst sistemanan inteligente pa purifiká awa lokalmente i usa esaki di nobo. Di e manera akí nos refnan ta keda mas limpi i Boneiru ta bira mas sostenibel.
Mustra proyektoRiba un tereno di tres hektar di LVV nan ta kultivá bèrdura i fruta pa banko di kuminda. For di bonch’i kunuku te mainshi chikí: tur kos ta bin fresku for di e pida tera ei. Di e manera akí mas hende ta haña akseso na kuminda pagabel i saludabel.
Mustra proyekto