Monitoreo di Kalidat di Awa

Un gota di áwaseru ku ta disparsé den suela na Boneiru. Na unda e awa ei ta bai? Kiko e ta bai kuné riba su kaminda? I kiko ta pasa ora finalmente e yega laman? Pa haña kontesta Boneiru ta konstruí un ret amplio di midimentu pa kalidat di awa. Na diferente sitio na nos isla nan ta pone tubu pa peilu ku ta laga nos mira kon awa den suela ta move i kon limpi e ta. Na mes momentu investigadónan ta tuma muestra di awa di laman i nan ta pone vários sistema pa midi ku didia i anochi ta kolektá dato.

E sistemanan akí ta midi entre otro temperatura, nivel di salu, oksígeno, kon trubel e awa ta i kresementu di alga. Di e manera akí a lo largo di kosta, riba laman i riba e parti entre tera i laman, ta surgi un imágen ku kada biaha ta bira mas kompleto di loke ta pasando riba i bou di superfisie. Den esaki, imágennan di satélite ta yuda pa medio di hasi kambionan atraves di áreanan mas grandi visibel. Paso pa paso awa ta konta su storia.

Dikon esaki ta importante?

E refnan di koral rònt di Boneiru ta protehá kosta, nan ta atraé bishitante for di henter mundu i nan ta forma un hogar pa míles i mata i bestia. Riba tera tambe áreanan di naturalesa salú ta dependé di awa limpi. Loke ta sosodé bou di tera, hopi biaha tin influensia riba loke finalmente ta yega den laman. 

Na mes momentu e áreanan di naturalesa akí ta bou di preshon. Kentamentu di laman i malesa di koral ta desafionan ku ta tumando lugá rònt mundu. Pero tin kousa mas pegá ku kas akí tambe. Awa shushi, nutriente i tera ku ta laba bai debí na eroshon, por resultá den laman pa medio di awa di yobida i awa den suela.

Esaki tin konsekuensia pa awa di laman na kosta i pa ref di koral. Alga por krese mas lihé, miéntras ku koral ta pasa mas problema pa keda salú. Pa hasi bon eskoho, konosementu ta nesesario. Di unda polushon ta bini? Kon awa ta move atraves di nos isla? Kua ta e medidanan ku ta funshoná i na unda atenshon adishonal ta nesesario?

Pa medio di midimentu ta surgi un imágen klarito di salú di awa di laman a lo largo di kosta i ref. E konosementu akí ta yuda pa evaluá medida, pa koregí kaminda ta nesesario i pa protehá loke ta hasi Boneiru asina spesial mas mihó.

Asina e ta funshoná na Boneiru

E proyekto ta trese diferente fuente di informashon huntu. Tubu di peilu ta duna konosementu tokante kalidat i fluho di awa den suela. Muestra di awa ta laga nos mira kua ta e supstansianan ku ta presente den awa di laman na kosta. Kontinuamente sensornan ta monitoreá kambio den laman. Modelonan, ‘remote sensing’ i imágen di satélite ta yuda pa konektá datonan lòs ku otro i pa hasi desaroyo riba eskala mas grandi visibel.

Di e manera akí investigadónan no por mira solamente loke ta pasa awe, pero tambe sigui e kambionan atraves di tempu. Pensa riba kambio di kalidat di awa, kon trubel awa di laman na kosta ta, i prosesonan natural manera sargassum. Asina ta surgi un solo storia mas grandi for di míles di midimentu lòs.

“Hopi biaha awa ta move pafó di nos bista. Ku e midimentunan akí nos por komprendé hopi mas mihó kiko ta pasando i kua ta e pasonan ku ta nesesario pa protehá nos kalidat di awa,” segun Maarten Heijnen, empleado di maneho Oséano i Investigashon na ministerio di Infrastruktura i Maneho di Awa.

Loke e ta produsí

Kada midimentu ta yuda Boneiru bai dilanti. E datonan ta mustra na unda kalidat di awa ta bon, na unda ta surgi riesgo i si debidamente medida tin efekto. Di e manera akí ta bira evidente kua ta e invershonnan ku ta kontribuí na awa di laman na kosta mas salú i ref di koral mas fuerte. E datonan di midimentu ta hasi evidente tambe kon kalidat di awa ta desaroyá atraves di añanan. Di e manera akí Boneiru ta haña konosementu ku ta yuda hasi mihó eskoho pa naturalesa riba tera, pa awa di laman na kosta i pa ref di koral. Esaki ta yuda pa protehá naturalesa riba tera i den laman mas mihó.

E konosementu ku nan akumulá ta sostené maneho di naturalesa, maneho di awa, agrikultura i protekshon di Parke Nashonal Marino Boneiru. Banda di esaki e programa di monitoreo ta yuda trahadónan di maneho pa hasi eskoho a base di echo i dato di midimentu enbes di a base di suposishon.

Pa medio di keda midi pa hopi aña largu, Boneiru ta konstruyendo un base di konosementu ku kada biaha ta bira mas fuerte. Tendensianan ta bira visibel, ta posibel pa evaluá medida i ta ripará kambio mas tempran. Di e manera akí e proyekto akí ta yuda pa protehá naturalesa riba tera i den laman, awe i pa futuro generashonnan.