Laman ta parse trankil. Pero bou di superfisie tur sorto di kos ta pasando. Temperatura, kon trubel e awa ta, grado di salu, kada kambio ta bisa algu tokante salú di nos refnan. Rijkswaterstaat (RWS) sa esei mas mihó ku niun otro hende. Pa e motibu akí nan ta instalá puntonan inteligente di monitoreo den laman rònt di Boneiru. Esakinan den forma kontinuo ta akumulá dato. No pa estadístika. Pero pa akshon.
Si bo sa kiko ta kambiando, e ora ei bo por protehá loke ta na bida. E datonan ku Rijkswaterstaat ta kolektá, ta yuda pa intervení na tempu den kaso di polushon òf asidifikashon (awa di laman ta bira mas zür). Loke ta invisibel nan ta hasi visibel. Pa investigadónan. Pa trahadónan di maneho. Pa tur hende ku ta trahando pa logra refnan salú.
Tin kestion di emergensia? E ora ei Rijkswaterstaat ta kla prepará. Huntu ku outoridatnan lokal, nan ta kla prepará pa kalamidat ambiental riba laman. Nan ta skirbi ‘draaiboek’ (plan detayá di akshon). Nan ta kapasitá hende. I nan ta sòru pa tur material ta kla pa uso. Di manera ku yudansa no ta kuminsá ora ta lat kaba.
Kisas bo no ta mira nan riba bich. Pero nan trabou ta tur kaminda. Den e datonan ku ta hasi desishonnan posibel. Den e plannan ku ta protehá Boneiru den kaso di un derame di zeta. Den e trankilidat, sabiendo ku tin un plan i un tim ku sa kiko mester hasi. Rijkswaterstaat ta sòru pa struktura, siguridat i konosementu. Silensioso, eksakto i esensial.