Nos ta biba di naturalesa

Awa kristalino, ref di koral kolorido i un biodiversidat úniko.

Esaki ta kurason di Boneiru. Nos naturalesa no ta solamente bunita, pero indispensabel tambe: pa nos bida, pa nos trankilidat i pa nos ekonomia. Pa e motibu akí protekshon di nos naturalesa no ta un luho, pero un nesesidat.   

Nos Ta Biba di Naturalesa. Esaki ta nòmber di mensahe di e kampaña, bou di kua nos ta akapará tur kampaña di naturalesa i medio ambiente di nos isla. Pensa riba e kampaña tokante e prohibishon di plèstik desechabel, i aworó e kampañanan nobo ku enfoke riba públiko, ku ta mustra kon importante nos naturalesa i nos medio ambiente ta, i kon vulnerabel.

Riba e página akí bo ta mira kiko ta pasando. Kua ta e temanan ku ta sentral. I kon huntu nos ta sòru pa un Boneiru mas resiliente. Pa medio di mira, kompartí i para ketu na loke realmente ta konta.

Laga esaki konmové bo. Wak rònt. I deskubrí tur e kampañanan ku ta hasi e diferensia pa nos isla.