Boneiru su naturalesa

bo paraiso, nos responsabilidat

Huntu nos ta protehá kurason di nos isla

Bo a yega di kologá bou di awa meimei di koral ku koló bibu, miéntras un turtuga tabata landa pasa trankil asina? Òf bo a yega di keda para ketu un ratu ora bo a mira un grupo di flamingo ta lanta bula for di den saliña? Esaki ta e partinan mas bunita di Boneiru. Un museo na aire liber di biodiversidat kaminda ref di koral, palu di mangel, saliña i mondi seku ta biba huntu den un harmonia perfekto.

 

Tòg e rikesa natural akí ta bou di preshon. Kambio di klima, polushon i desaroyo deskontrolá ta pone e ekilibrio na peliger. Nos refnan di koral ta pasando den tempu duru i nos habitatnan natural ta disparsé pokopoko. I esaki ta afektá nos tur, pasobra sin un naturalesa salú, no tin un Boneiru salú.

 

Afortunadamente nos no ta sinta ketu. For di Parke Nashonal Marino Boneiru te Parke Nashonal Washington Slagbaai nos ta protehá loke ta balioso. Nos ta restourá koral i nos ta kombatí eroshon. Pasobra protekshon di naturalesa no ta un luho, pero puro nesesidat. Pa nos ekonomia, nos bienestar í nos futuro.

Tur kos na un lugá

Bo ta djòin nos? Pasobra solamente huntu nos ta hasi diferensia

Keda na altura
Sigui nos mensahenan di naturalesa i deskubrí loke ta pasando
Deskubrí loke nos ta hasi
Tira un bista riba e proyektonan di naturalesa ku ta fortifiká Boneiru su naturalesa
Drenta den akshon
Bishitá e eventonan ku tin i bira parti di e solushon
Respetá lei
Área protehá ta pidi pa bishitante protehá
Kontrolá bo pèrmit
Bo ta planiando aktividat den naturalesa? Sòru pa bo ta disponé di e papelnan korekto

Di e manera akí huntu nos ta sòru pa Boneiru su naturalesa sigui krese. Pasobra loke nos ta protehá awor akí, aworó nos yunan por atmirá ainda. Awor akí i pa e generashonnan despues di nos.