Bonaire Sabal Palm Park

Un palma yòn, duru pará den tera, kaminda promé tabatin solamente baranka sin nada riba dje. Esei ta e Sabal lougheediana. Un tipo di palma ku bo ta haña solamente na Boneiru. Den mondi tin solamente 21 ainda. Den área di Lima nos ta konstruyendo un parke ku ta duna e palma raro akí un futuro. BonBèrdè ta duna guia na e restorashon, huntu ku investigadónan, boluntarionan i hendenan ku tin un kurason kaluroso pa e isla akí.

Dikon esaki tin ku tuma lugá awor akí?

E Sabal Palm no ta e úniko ku ta bou di preshon. Mata manera e Maytenus versluysii i e Zanthoxylum flavum tambe ta krese akinan. Raro, vulnerabel, i no por haña nan niun otro kaminda. Pero kabritu i buriku ku ta kana lòs ta kome tur fo’i ora nan ta chikitu. Loke t’ei awe, por disparsé mañan. Pa e motibu akí nos ta intervení. No ku betòn, pero ku kuido, atenshon i pasenshi.

Nos manera di traha

Promé nos a sera e área. Despues investigadónan a kuminsá ku kontamentu, midimentu i monitoreo. Kuantu palma yòn ta saka rais? Kon nan ta plama riba e tereno? Sierto palmanan ta keda para. Na otro sitionan ta planta simia, di manera ku bida nobo por krese atrobe. I entretantu ya kaba tin palma nobo ta kresiendo. “Ya kaba nos ta mira palma yòn na sitionan kaminda promé solamente tera seku tabatin,” segun Quirijn di BonBèrdè. “Esaki ta duna speransa.”

Pa bishitantenan tambe tin algu ta kambia. Ta bini kaminda pa kana i bòrchi di informashon, di manera ku bo por eksperensiá e parke sin stroba nada.

Kiko ta e resultado

No ta solamente un palma nos ta reskatá. Nos ta restorá un pida Boneiru bibu. Un sitio kaminda bo ta mira kiko restorashon di naturalesa realmente ta nifiká: pasenshi, profeshonalidat i amor pa nos isla. Investigadónan ta optené konosementu nobo, komunidat ta haña un parke, i e Sabal Palm ta haña aire pa krese.