BonBèrdè

BonBèrdè no ta un empresa tradishonal ku ta okupá su mes ku vegetashon en general. E tim di spesialistanan profeshonal akí ta traha kaminda maneho di naturalesa, strukturashon di paisahe i rekuperashon di paisahe ta bini huntu. Nan ta pensa grandi, nan ta koba hundu i nan ta keda pegá ku Boneiru su naturalesa. Sea ku ta trata di reforestashon, trankera òf rekuperashon di ekosistema: BonBèrdè ta kombiná konosementu práktiko ku resultado di investigashon sientífiko.

Nan ta manehá i monitoreá áreanan di naturalesa na nos isla, nan ta ehekutá inspekshon visual, nan ta hasi mantenshon di sistemanan di irigashon i nan ta sòru pa e trankeranan sigui funshoná. Pero nan bista ta bai mas leu ku solamente mantenshon. BonBèrdè ta traha pa logra un futuro kaminda palunan raro ta bini bèk, matanan pionero ta bolbe krese den tera seku, i biodiversidat ta sinti su mes na kas atrobe.

Fangu awa, spar suela

Den un klima seku, maneho di awa no ta un luho, sino un nesesidat. Pa e motibu akí BonBèrdè ta traha dam ku ta wanta awa di yobida i na mes momentu ta tene e kapa mas ariba di suela i nutrientenan na nan lugá. Ta trata di intervershonnan chikitu, pero ku un impakto grandi: nan ta hasi rekuperashon posibel den áreanan ku no ta fértil mas debí na eroshon òf bestia ku a kome muchu hopi di e vegetashon.

Konosementu lokal, rekuperashon ku sosten

Rekuperashon di naturalesa ta rekerí trabou na midí i sosten. BonBèrdè ta duna guia na dunadónan di enkargo na momentu di organisá proyektonan di rekuperashon, for di e promé eksplorashon di tereno te na ehekushon. Nan ta hasi inventarisashon, nan ta midi efekto, nan ta traha plan di maneho i nan ta trese interesadonan serka otro. Banda di esaki nan ta edifiká nan ret di eksperto lokal i nan ta sigui traha a base di práktika.

Limpi, endémiko i den ekilibrio

Aparte di konstrukshon i rekuperashon, BonBèrdè ta sòru tambe pa eliminashon di espesienan invasivo i vegetashon indeseá. Nan ta planta palu, nan ta snui na un manera bon planiá i sistemátiko i nan ta strukturá sierto áreanan di nobo. Esaki semper ku bista pa loke ta pertenesé aki i kiko nò. Pasobra rekuperashon di naturalesa ta kuminsá ku hasimentu di eskoho. I ku perseveransia.