Ampliashon di Planta di Purifikashon di Awa Shushi (RWZI)

Mas tokante e proyekto aki

Boneiru ta kresiendo. Nan ta trahando hopi kas nobo. Turismo ta floresé. Pero tur e bida na nos isla akí ta sòru pa mas awa shushi tambe. I tur e awa shushi akí ta bini huntu den un solo instalashon: e planta di purifikashon di awa di kloaka (RWZI) na Playa. E planta akí ta traha hopi duru i tin ora nèt na e límite di loke ta posibel. Pa e motibu akí awor ta bini kapasidat èkstra. Di manera ku e awa shushi no ta basha afó i ku naturalesa ta keda protehá.

Muchu hopi awa, muchu tiki espasio

Si e Planta di Purifikashon di Awa Shushi resultá sobrekargá, awa shushi por lèk bai via suela. Den direkshon di laman. Den direkshon di e Parke Nashonal Marino Boneiru. I esaki ta afektá nos tur: nos refnan, nos awa di landa, salú di nos habitantenan i bishitantenan. E planta aktual a keda konstruí pa un otro époka. I pa basta tempu kaba Boneiru a pasa e fase ei.

Edifikando un solushon ku ta sigui funshoná

E ampliashon ta tuma lugá paso pa paso. WEB Boneiru ta ampliá e planta ku un di tres reaktor SBR. Ku esaki aworó nan por purifiká 2100 m³ di awa pa dia. Esaki ta 50% mas tantu ku awor.

Banda di un reaktor adishonal, ta bini tambe un stashon pa risibí awa di trùk i algun bùfer èkstra. Di e manera ei nan por kolektá karga séptiko tambe, por ehèmpel durante mantenshon òf yobida fuerte. Detaye importante: durante e trabounan e planta ta keda operashonal normalmente. “Pa medio di e ampliashon akí nos por kolektá i purifiká hopi mas tantu awa shushi. Esaki ta importante pa un Boneiru salú i habitabel,” segun un lider di proyekto di WEB.

Kiko ta e resultado pa Boneiru

Kisas bo no ta mir’é, pero loke ta pasando akinan, ta sòru pa un mundu di diferensia. Awa shushi no ta resultá den laman ni den suela. E awa ku ta sali ta sufisiente limpi pa mata i agrikultura. I durante áwaseru òf mantenshon, tur kos ta sigui drai normalmente. Di e manera akí nos ta tene Boneiru salú. Pa bo, pa nos refnan i pa tur loke ta biba akinan.