Water- en energiebedrijf Bonaire (WEB)
Huntu nos ta sòru pa awa limpi, energia bèrdè i un isla sostenibel
Sin awa i koriente tur kos ta para ketu. Pa e motibu akí tur dia WEB Boneiru ta traha riba fasilidatnan konfiabel, pagabel i sostenibel pa henter nos isla. Pa habitantenan, empresanan i bishitantenan. Tras di e kranchi, e stèker i e lus di kaya tin un organisashon ku ta wak padilanti i ku ta asumí responsabilidat.
Boneiru ta kresiendo, WEB ta konstruí huntu kuné
Boneiru ta kresiendo. Mas hende, mas turismo, mas demanda pa koriente i awa di bebe. WEB ta reakshoná riba esaki ku invershonnan grandi. No solamente pa kana pareu ku e demanda, pero netamente pa bira mas inteligente, mas limpi i mas resiliente pa futuro. Nan ta enfoká kompletamente riba koriente bèrdè: energia for di solo, bientu i asta alga. For di aña 2021 WEB mes tambe ta produsí awa di bebe direktamente for di laman.
Loke bo ta usa ta wòrdu reusá
Banda di esaki WEB ta atendé ku awa shushi tambe. Nan ta sòru pa purifikashon, reuso i awa pa irigashon pa por ehèmpel agrikultura òf naturalesa. Di e manera akí nan ta sera e siklo i nan ta redusí e impakto ku nos isla tin riba medio ambiente.
Trahá dor di hendenan di aki
WEB ta un kompania di utilidat, pero tambe un dunadó di trabou grandi. Ku un tim di 150 hende nan ta edifiká e fasilidatnan di mañan. Pa i atraves di nos komunidat boneriano. Sin muchu gabamentu, pero simplemente hasié huntu: Let’s do it together.
