Pos ‘vacuüm’ na 40 parsela

Bo ta biba na kosta, direktamente kantu di laman, pero bo kas no ta konektá riba kloaka. Tur awa shushi ta disparsé mesora den suela. Te ainda esaki ta sosodé na desénas di sitio entre Belnem i Hato. Pero ta bin kambio den esei.  Na kuarenta di e sitionan habrí ei nos ta bai instalá pos ‘vacuüm’. Aworó e posnan ei ta direktamente konektá ku e purifikashon sentral. E ora ei no tin dùmpmentu mas den suela, pero un desagwe limpi i seif.  “Nos ta biba pegá ku laman akinan. E ora ei nos ke sa sigur ku nan ta deshasí di nos awa shushi na un manera adekuá.”

Dikon esaki ta nesesario awór akí

Awa shushi ku resultá den suela, ta plama den e suela ei. Via e awa bou di tera, finalmente e ta resultá den laman tambe. Netamente kaminda Boneiru ke protehá su koralnan i su piskánan. Sigur den e zona vulnerabel na kosta akí, kada lèk ta unu di mas. E proyekto akí ta hasi posibel pa ainda hasi e konekshonnan nesesario. Esaki no ta solamente mas seif pa habitantenan, pero e ta mas salú pa nos refnan tambe.

Asin’aki nos ta atendé ku esaki

Nos ta konektá e posnan ‘vacuüm’ na e ret eksistente. Nan ta adekuá pa kas di famia, pero despues por adaptá nan tambe ora bini edifisio mas grandi, manera hotèl òf apartamento.

Kiko ta e benefisio pa Boneiru

Awor akí nos ta purifiká mas awa shushi. Esaki ta nifiká: ménos polushon, ménos malesa, un mihó ambiente di biba i un laman mas limpi. I tur esaki sin preshon finansiero pa e habitantenan. Asin’aki progreso sostenibel ta funshoná.