Boneiru ta kresiendo, i e kloaka ta krese huntu kuné. WEB ta hasi e planta di purifikashon mas grandi, di manera ku awa shushi no ta resultá den naturalesa mas. Bon pa nos refnan, bon pa bo salú.
For di wc te kañon di awa: na Boneiru awa shushi ta haña un di dos bida. Ku un instalashon nobo di UV, awa shushi ta keda purifiká mas mihó ainda i reusá na un manera seif den kunuku i den hòfi.
Riba un tereno di tres hektar di LVV nan ta kultivá bèrdura i fruta pa banko di kuminda. For di bonch’i kunuku te mainshi chikí: tur kos ta bin fresku for di e pida tera ei. Di e manera akí mas hende ta haña akseso na kuminda pagabel i saludabel.
