Loke nos ta hasi pa Boneiru

Boneiru ta kresiendo, i e kloaka ta krese huntu kuné. WEB ta hasi e planta di purifikashon mas grandi, di manera ku awa shushi no ta resultá den naturalesa mas. Bon pa nos refnan, bon pa bo salú.

Dos instalashon nobo na Harbour Village i Plaza Marina ta sòru pa yatenan por deshasí na un manera seif di awa di tualèt. No ta basha awa shushi mas den laman. Mihó pa nos refnan, mihó pa nos mes.

Entre Belnem i Hato nos ta konektá 40 parsela adishonal riba e kloaka ‘vacuüm’. Anteriormente no tabatin konstrukshon riba e parselanan akí. Pa medio di e konekshonnan nobo ménos awa shushi no-purifiká ta resultá den naturalesa.

For di wc te kañon di awa: na Boneiru awa shushi ta haña un di dos bida. Ku un instalashon nobo di UV, awa shushi ta keda purifiká mas mihó ainda i reusá na un manera seif den kunuku i den hòfi.

Ku ‘Water Circles’ awa shushi no ta un menasa mas, sino un oportunidat. Na sinku sitio na nos isla nos ta tèst sistemanan inteligente pa purifiká awa lokalmente i usa esaki di nobo. Di e manera akí nos refnan ta keda mas limpi i Boneiru ta bira mas sostenibel.