Meike – Decentraal afvalwater systeem

Pa Meike Breedveld, semper awa tabata un liña kòrá. El a lanta den e Kurason Bèrdè (Groene Hart) di Hulanda, un área ku hopi awa. Komo mucha e tabata hunga pafó hopi, hopi biaha riba awa òf banda di awa. Den añanan setenta i ochenta el a tende tokante áwaseru zür i lago kaminda tur bida a disparsé. E kosnan akí a hasi impreshon. Nan tabata mustra kon vulnerabel naturalesa por ta.

Despues a bini un otro konosementu tambe. Nan a atendé ku e problemanan akí. Solushonnan tabata funshoná. Hende por kousa daño, pero hende por drecha esaki tambe. E noshon akí a hinka Meike den e skina di awa i medio ambiente.

Boneiru ta konmoví Meike, pa mobitu ku e isla akí ta asina bunita, pero vulnerabel tambe. Tin tiki awa dushi i kalor, sekura i subida di superfisie di laman ta oumentando debí na kambio di klima. Loke ta pasa riba tera, tin konsekuensia direkto pa laman. Awa shushi no-purifiká por resultá den laman via suela. E nutrientenan ku tin den e awa shushi, ta stimulá kresementu di alga. Alga ta krese lihé, pero koral nò. Purifikashon di awa shushi ta redusí preshon riba ref.

Serka Meike na kas nan ta hasi uso di awa shushi purifiká pa duna palu di fruta awa. Di e manera ei nan ta spar awa di bebe ku ta karu, i e palunan ta keda na bida.

Pa Meike, kuido di Boneiru ta kuminsá ku eskoho konsiente. Chikitu, práktiko i aplikabel. Huntu e eskohonan akí ta sòru pa un isla habitabel i resiliente. Nos ta biba di naturalesa.

Kuido di ref ta kuminsá riba tera

Meike ta laga nos mira ku awa no ta keda para na e sitio kaminda bo ta us’é. Loke ta sosodé riba tera, finalmente por yega den laman. Bo ke sa mas tokante kon Boneiru ta traha pa logra uso di awa mas inteligente i ménos preshon riba ref? Lesa mas tokante Water Circles riba e wèpsait akí.