Sala tabata yenyen djaluna anochi na Habitat. Empresarionan for di e sektor di agrikultura i alimento a bini huntu pa un seshon di informashon tokante Agroalimentaria 2025, e feria agríkola mas grandi den área karibense. Entidat Públiko Boneiru ke sostené empresarionan aktivamente pa partisipá na e feria akí den luna di mei otro aña.
Diputado Clark Abraham a dirigí su mes na e presentenan ku un mensahe kla: ‘Esun ku ke krese, mester tin kurashi pa invertí den merkadonan nobo. Agroalimentaria ta un oportunidat ku bo no por keda sin hasi uso di dje. Nos ke duna nos hendenan akseso na konosementu i na vários ret i partnernan komersial.’
Pa hasi partisipashon posibel pa empresanan lokal, Entidat Públiko Boneiru ta pone un kontribushon di $ 1500 disponibel pa kada empresa. Ku esaki e empresarionan por bishitá e feria na Santo Domingo, kaminda sentenáres di produktor, kumpradó i distribuidor for di den region ta bini huntu.
No laga e oportunidat akí pasa bo vorbei
Bo ta aktivo den:
- agrikultura òf produkshon di kuminda,
- importashon di mata, simia òf empake,
- òf benta di vitamina òf asesorionan agríkola?
E ora ei registrá rápidamente. E fecha mas tardá pa registrashon ta djaweps 15 di mei 2025.
Solamente un kantidat limitá di lugá ta disponibel.
