WWF Hulanda Karibense
Fortifiká naturalesa ku potensial lokal i determinashon mundial
WWF Hulanda Karibense ta protehá Boneiru su naturalesa úniko i esun di tur e otro islanan karibense den Reino. Nan no ta hasi esaki nan so, pero semper ku e hendenan ku ta biba akí. Organisashonnan lokal, gobièrnunan, empresanan i habitantenan: nan tur ta hunga un ròl den restorashon di naturalesa vulnerabel.
Hasi áreanan di kosta resiliente
For di turtuga te palu di mangel, for di bayena te ref: WWF DC ta komprometé su mes pa áreanan di kosta salú i resiliente, ku ta resistente kontra kambio di klima. Nan ta hasi esaki ku proyektonan konkreto manera ‘Water Circles’, den kua reuso di awa ta sentral. Di e manera akí nan no ta yuda solamente nos naturalesa bai dilanti, pero nos komunidat tambe.
Konosementu i kompashon
Tras di e aserkamentu akí tin un tim di eksperto ku diferente bèkgrount . For di biologia marino te sikologia. E meskla di konosementu i traha ku enfoke riba hende akí, ta hasi e diferensia. Serka WWF DC konservashon di naturalesa ta trata di mas ku solamente investigashon: ta trata di enbolbimentu, konekshon i impakto riba término largu.
Ret mundial, impakto lokal
Komo parti di e ret mundial di WWF, nan ta trese determinashon internashonal den área karibense. Pero semper ku rèspèt pa e konteksto lokal. Esaki pasobra bonerianonan mes sa kiko nan naturalesa tin mester di dje. WWF DC ta skucha, konektá i fortifiká.
