Charlie & Lori – Reef Renewal

Pa Charlie i Lori Rohre, Boneiru ta mas ku solamente un isla. E ta un lugá kaminda silensio ta krea espasio, kaminda laman ta suspirá futuro i kaminda naturalesa i komunidat ta hala rosea huntu. “Akí bo ta sinti loke ta importante”, asina nan ta konta.

E konektividat akí ta e motibu ku nan ta komprometé nan mes pa naturalesa. Nan ta yuda vários organisashon, entre otro Animal Shelter Bonaire, e tim di SCTLD di STINAPA i diferente proyekto den bario. Pero nan trabou na Reef Renewal ta toka nan mas profundamente. Tur siman nan ta meimei di e palunan di koral. Nan ta kita alga, duna palu nobo espasio i yuda kolektá webu i spèrma di koral, pa asina koral yòn por krese. Ta trata di aktonan trankil. No un gesto grandi. Sí un impakto grandi.   

Segun Charlie i Lori henter nos isla ta drumí riba ref. Ref ta protehá kosta. E ta alimentá nos komunidat. E ta uni konosementu, trabou i tradishon. “Si nos refnan ta fuerte, Boneiru ta keda fuerte.”  Pa e motibu akí nan ta skohe pa duna algu bèk. No pasobra un hende ta pidi esaki, pero pasobra e ta duna un bon sintimentu ora hasié.

Ku nan dedikashon nan ta mustra nos ku kuido di naturalesa ta kuminsá pegá ku nos. Ku tempu. Ku atenshon. Ku amor pa Boneiru. 

Bo mes ke duna algu bèk na nos refnan?

Charlie i Lori ta mustra nos ku restorashon di koral ta kuminsá ku atenshon. Ku aktonan chikitu ku ta duna espasio na bida nobo. Bo ke sa mas tokante e trabou di Reef Renewal Bonaire, òf bo mes ke kontribuí na restorashon di ref? Lesa mas tokante Reef Renewal riba e wèpsait akí òf bai mesora na nan página di boluntario.