Reef Renewal Foundation Bonaire

E koralnan di ref rònt di Boneiru ta entre esunnan di mas bunita na mundu. Pero nan ta bou di preshon. Blikiamentu, daño debí na tormenta, polushon. Nos refnan mester di yudansa. I nan ta haña e yudansa akí. For di aña 2012 Reef Renewal Foundation Bonaire ta trahando tur dia riba un solo mishon: restorá i protehá nos koralnan i hasi nan resiliente pa futuro.

Di kultivo te programa fuerte di restorashon

Loke a kuminsá ku dos kultivo chikitu di koral i algun espesie, awor ta un di e programanan di restorashon di ref ku mas tantu impakto den henter nos region. E fundashon ta traha huntu ku 14 tienda di buseo i un ehérsito kresiente di boluntario. Huntu ya kaba nan a trese mas ku 59.000 koral bèk na nos refnan, kuidadosamente selektá, genétikamente diverso i kla pa futuro.

Siensia komo wesu di lomba

E aserkamentu akí ta leu for di arbitrario. Reef Renewal ta hasi uso di métodonan sientífikamente supstansiá, basá riba inovashon, monitoreo i kompartimentu di konosementu. Nan ta traha ku sientífikonan tòp pa mehorá nan téknikanan i nan ta kompartí nan konosementu ku otro islanan. E meta: no solamente restorá nos refnan, pero laga nan bini bèk mas fuerte tambe.

Mas ku solamente bou di laman

Nan trabou no ta keda na superfisie di laman so. Reef Renewal aktivamente ta hasi esfuerso pa konsientisashon i edukashon. Ku programanan interaktivo, i vários treinen i evento nan ta enbolbí habitantenan, bishitantenan i empresanan ku restorashon di nos refnan. Pasobra tur hende na nos isla ta biba di un laman salú.

Na kaminda pa un sentro internashonal

E soño? Hasi Boneiru un sentro internashonalmente rekonosé pa restorashon di koral. Un sitio kaminda siensia, akshon i pashon ta bini huntu. I kaminda naturalesa, kada biaha un tiki mas, ta haña su koló bèk.