Mangrove Maniacs

Mangrove Maniacs no ta simplemente un grupo di boluntario. Ta trata akí di hendenan ku tur siman literalmente ta traha soda nan kurpa den lodo pa protehá Boneiru su palunan di mangel. Nan ta kap i habri un kaminda atraves di tur kos ku ta krese yena e kanalnan, kuidadosamente nan ta planta palu yòn i nan ta midi kalidat di e awa manera ku ta trata di nan propio hòfi patras di kas. Pasobra ta netamente esei e kos akí ta pa nan: un ambiente di biba ku mester haña protekshon.

Akshon ku impakto

Loke Mangrove Maniacs ta hasi, ta mas ku solamente traha duru. Nan ta traha a base di dato, investigashon i eksperensia. Huntu ku STINAPA  nan ta hasi trabou di restorashon ku ta funshoná di bèrdat. Kada intervenshon ta bon pensá, monitoreá i sinkronisá ku loke nos naturalesa tin mester. Nada pa loko pues, pero akshon sostenibel ku resultado ku por midi.

Huntu nos tin ku protehá palu di mangel

E forsa di Mangrove Maniacs ta den nan aserkamentu tambe. Nan ta enbolbí habitantenan, turistanan, studiantenan i asta henter un klas di skol bai den vèlt kuné. Pasobra ora bo mes planta un palu òf tene un rais di palu di mangel den bo man, bo ta wak naturalesa di un otro manera. Asina no solamente e mondi ta bira mas grandi, pero nos konsiensia tambe.

Abo tambe por bira un Maniac

Bo tin gana di djòin nan? Bisti bo sapatu di awa i wak riba nan wèpsait. Sea ku bo ta bin planta, siña òf apoyá: e palunan di mangel por hasi bon uso di bo yudansa.