Ernest – Junior Rangers

Pa Ernest de Lanoy, Boneiru ta e sitio kaminda el a lanta i ku e ta sinti un konekshon fuerte kuné. E konektividat akí ta trese responsabilidat kuné. E deseo pa hasi algu bèk pa nos isla.

Via e programa di Junior Rangers di STINAPA e ta pone e enbolbimentu akí den akshon. E programa ta yud’é pa komprendé naturalesa mas mihó. No solamente loke tin, pero tambe dikon esaki ta importante i kon bo ta kuid’é bon. 

Komo Junior Ranger hopi biaha Ernest ta den aire liber. Trahando den naturalesa. Kolaborando ku proyektonan ku ta protehá nos isla, riba tera i den laman. Asina e ta yuda tambe ku preparashon di e sitionan kaminda nan ta kolektá material di piská kuné, ku hende a laga atras na sitionan di sambuyá. Solushonnan simpel ku ta evitá ku liña di piska i ansué ta resultá den laman. E ta mira ku e kompromiso akí ta hasi diferensia. Nos bichnan ta bira mas limpi, tin ménos shushi tirá abou i mas i mas hende ta konsiente di nan propio komportashon.

Pa Ernest kuido di naturalesa ta algu opvio. E ta algu ku bo ta hasi. Pa bo mes, pa nos isla i pa e generashonnan ku tin ku bini ainda. 

Kuido di Boneiru ta kuminsá fo’i chikitu

Ernest ta laga nos mira ku kuido di Boneiru por kuminsá fo’i ora bo ta yòn ainda. Pa medio di siña na aire liber, yuda traha i deskubrí kon akshonnan chikitu ta protehá nos naturalesa. Bo ke sa mas tokante STINAPA òf tokante e programa di Junior Rangers? Lesa mas tokante STINAPA riba e wèpsait akí òf bai direktamente na nan página di Junior Rangers.