Na Kaminda pa Kosechá

Redeskubrí e forsa di bo propio hòfi

Imaginá bo mes: tomati fresku for di bo propio hòfi. Kòmkòmber ku bo mes a planta. Ántes na Boneiru nos tabata hasi tur e kosnan akí. Te na momentu ku plaga, para i falta di awa a stroba nos.

Ku e kampaña Na Kaminda pa Kosechá, LVV i su partnernan ta mustra ku esaki ta posibel sí. Chikitu, faktibel i ku e konosementu ku nos tin akí kaba. No ta bai pa agrikultura den grandi, pero pa pasonan chikitu den bo propio hòfi ku huntu ta hasi un diferensia grandi.

 

Di kiko e kampaña ta trata

Na Kaminda pa Kosechá ta trese kultivo di bo propio kuminda bèk na kunuku i den hòfi. No den yen di rapòrt diki, pero den storianan real: paisanonan ku ta hinka nan man den tera, kompartí tep i mustra ku esaki tá posibel. 

E kampaña ta forma parti di Food Resilient Futures in the Caribbean Netherlands, un proyekto konhunto di Boneiru, Saba i Sint Eustatius. E meta: un kultura kaminda nos ta bira mas fuerte i ménos dependiente, pa motibu ku nos mes ta kultivá.

Na Boneiru esaki ta bira visibel via LVV. For di sabiduria antiguo di kunuku te téknikanan inteligente i nobo: tur kos nos ta topa kuné. NTBDN ta kompartí e storia akí, pa motibu ku agrikultura i naturalesa na nos isla ta inseparabelmente mará na otro.

 

Forsa for di bo propio hòfi

E parti mas grandi di nos kuminda ta yega Boneiru ku boto. Esaki ta hasi nos dependiente di importashon i e ta hasi nos vulnerabel pa preisnan ku ta subi òf rèkinan bashí.

Tòg e solushon no ta leu. Den nos hòfinan i kunukunan na Boneiru tin konosementu, espasio i posibilidat pa nos mes bolbe planta mas atrobe.

Pa medio di kultivá di nobo, nos ta haña grep riba nos kuminda. Kada kilo ku nos mes kosechá, ta hasi nos ménos dependiente. Kada mata ku ta krese den bo hòfi, ta fortifiká e resiliensia di nos isla.

 

Kon bo por partisipá?

Bo ke djòin nos na kaminda pa kosechá? Bo por kuminsá awe. Yena e enkuesta. Kompartí bo eksperensia riba Facebook òf Instagram. Sigui e grabashonnan riba medionnan sosial i deskubrí kon otronan ta hasié. I prinsipalmente: kuminsá den bo propio hòfi. Un man yen di yerba, un kareda di bonchi, un palu di papaya. Kada mata ta konta.

 

For di storia ta krese kustumber. For di kustumber ta krese un kultura. Di e manera akí planta bo mes kuminda ta bira algu natural atrobe.

Pa esunnan ku ke partisipá

Kompartí e informe akí

E kaminda bèk pa yega na planta bo mes kuminda. Asina e ta bira un kustumber atrobe.

Sabiduria for di kunuku
Kultivadónan lokal ta kompartí nan storianan i nan ta mustra kon nan ta laga bèrdura i fruta krese, no opstante solo, plaga i sekura.
Vários tep ku bo por apliká mesora
For di kòmpòst te kultivo sabí: algun hèrmènt simpel ku bo por purba awe mes den bo hòfi.
Siña ku video
Algun grabashon kòrtiku ta hiba bo paso pa paso mas serka bo promé kosecha. Paisanonan ta mustra kon nan ta hasié i abo mes tambe por.
E tres komponentenan esensial
Tera salú, mata fuerte i un kosecha riku. Ku e base akí e kampaña ta mustra nos ku kultivo di kuminda ta faktibel pa tur hende.

Kada eksperensia, kada storia i kada mata ta hiba nos mas serka un Boneiru resiliente. Kuminsá awe. Djòin nos.