Boneiru liber di plèstik

Tur hende konosé e imágen akí: saku di plèstik ta bula den haltu, richi ku ta resultá riba bich, baki di fom ku ta drif den laman. No na nós Boneiru.

Ku e kampaña Boneiru Liber di Plèstik, huntu nos, empresarionan, habitantenan i bishitantenan a bisa nò kontra plèstik desechabel. I ku resultado. Paso pa paso nos isla a kambia bira un sitio mas bèrdè i mas limpi pa tur hende.

Un resúmen di e kampaña

• E kampaña a dura for di yanüari 2022 te ku desèmber 2023.
• Dia 1 di yüni 2022 e prohibishon di tas di plèstik, kuchú, kuchara, fòrki, richi i kos di drai bebida di plèstik a drenta na vigor.
• Dia 1 di ougùstùs a sigui un ampliashon ku un prohibishon di baki di kuminda di fom.

Dikon esaki tabata nesesario

Kada tas di plèstik ku resultá den laman por ta mortal pa un turtuga. Kada pida mikroplèstik finalmente ta haña su kaminda pa nos mesa di kome. Ku e kampaña akí nos a pone un meta klarito: protehá Boneiru kontra polushon ku plèstik. Pa bienestar di hende i naturalesa.

Huntu nos a hasi e diferensia

Empresarionan a bira e kara di kambio. Nan a informá nan klientenan, nan a yuda pensa tokante solushon i nan a hasi nan operashon empresarial mas sostenibel. Habitantenan i bishitantenan a duna e bon ehèmpel. Nan a bai hasi kompra ku nan propio tas, nan a skohe pa alernativanan ku ta no ta dañino pa medio ambiente i nan a partisipá na akshonnan di limpiesa i na vários webinar. Kada un na su manera a kontribuí na un Boneiru liber di plèstik.

Un bista di e kampaña

E mensahe a plama riba henter nos isla. For di supermarket te medionan sosial. Spòt na radio, poster, aviso digital, webinar, korant, karta i un FAQ amplio a duna bida na e kampaña. Riba International Plastic Free Day – Dia Internashonal Liber di Plèstik supermarketnan a parti tas reusabel grátis.

Bo tin gana di sa kon esei a bai? Mas abou riba e página akí, bo ta haña un selekshon di e medionan ku nos a usa.

E mishon a sigui

E kampaña a finalisá, pero e trabou no a kaba. Nos ta trahando riba ampliashon di e prohibishon ku mas artíkulo desechabel ainda. Pasobra kada pida plèstik ku nos evitá, ta un regalo pa nos naturalesa.