Ku ponementu di un bòrchi di informashon na Playa Pabou, renobashon di e waf di piskadó a ranka sali ofisialmente i visibelmente. Riba e bòrchi por mira kiko ta pasando, dikon esaki ta nesesario i kon e planifikashon ta. Asina tur hende por mira na e sitio kiko ta tumando lugá.
Entretantu a pone e promé pasonan. E kòntrakt ta firmá, a bestèl e materialnan i e trabounan a kuminsá. Ku e bòrchi di informashon Entidat Públiko Boneiru ta tene komunidat na altura di e progreso.
E waf di piskadó ta un sitio ku nan ta usa tur dia. Pa e piskadónan esaki ta nan sitio di trabou i nan entrada. Na mes momentu e ta un sitio ku ta pertenesé na nos isla, na nos kultura i na e hendenan ku ta biba i traha akí. Tokante esaki diputado Clark Abraham a bisa: “Nos ta kontentu ku nos por realisá esaki awor akí pa nos piskadónan i pa nos komunidat lokal. Nan meresé un sitio kaminda nan por hasi nan trabou na un manera seif i bon.”
Intenshon di e renobashon ta pa hasi e waf adekuá atrobe pa futuro. Entidat Públiko Boneiru ta sigui informá komunidat tokante e siguiente pasonan.
