Preparashonnan pa mantenshon di e waf di piskadó na Playa Pabou a kuminsá. Dia 13 di febrüari 2026 Entidat Públiko Boneiru, Streefkerk Architects en Consultants i Caribische Onderwater Werken a firma e kòntrakt. Ku esaki un trayekto ta kuminsá ku pa basta tempu kaba for di komunidat nan ta pidi p’e. Den e fase akí nan ta selektá i bestèl material ku ta resistente kontra e sirkunstansianan na laman. E meta ta klarito: un waf ku hende por usa na un manera seif atrobe i ku ta wanta pa hopi tempu.
Pa hopi piskadó na Boneiru e waf ta un sitio fiho di trabou. Akí nan dia ta kuminsá i terminá. Estado di e waf tin influensia direkto riba nan trabou i nan siguridat. Pa e motibu akí bon mantenshon no ta un luho, pero un nesesidat.
Asina ku e materialnan ta disponibel, e trabounan ta kuminsá. Nan ta hasi esaki den fase. E waf ta keda aksesibel mas tantu posibel, di manera ku e piskadónan por sigui hasi nan trabou.
Ku e proyekto akí nan ta traha dirigí riba mantenshon di un sitio ku ta importante pa ekonomia lokal i pa nos bida diario na Boneiru.
