Den e simannan tras di lomba nan a paga diesshete foko di kandela bou di tera eksitosamente na Lèntfel Lagun. E kandelanan akí a surgi komo konsekuensia di e kandelanan habrí ku tabatin anteriormente na lèntfel. Danki na un kolaborashon intensivo entre Selibon i Afvalzorg Nederland, awor akí e kandela ta bou di kontròl.
Ku esaki e riesgonan riba e tereno no a disparsé ainda. Pa e motibu akí Selibon ta sigui vigilá e situashon minusiosamente. E empleadonan a risibí treinen pa reakshoná rápidamente i efektivamente na momentu ku tin indikashon nobo di kandela. Ku ayudo di kámara infrakòrá nan por detektá un foko di kandela den un fase hopi tempran. Tambe tin siguridat presente durante dia i anochi pa sòru ku tur kos ta keda seif.
E aserkamentu di e kandelanan a produsí vários lès importante. Huntu ku Entidat Públiko Boneiru, Selibon ta trahando riba un mihó atendementu ku entrega i prosesamentu di shushi. Afvalzorg Nederland ta sigui duna sosten na e proseso akí. E meta ta pa logra un lugá di depositá shushi mas seif, mas limpi i mas sostenibel pa nos isla.
