Boneiru ta partisipá na Earth Hour. Riba djasabra 28 di mart for di 20:30 or te 21.30 or ta paga e iluminashon públiko riba i rònt di Plaza Wilhelmina, i sierto partinan di Kaya Grandi i Kaya N.E. Craane. Iluminashon di e kupel tambe lo ta pagá temporalmente.
Ku e akshon akí Boneiru ta djòin un momentu mundial, kaminda miónes di hende i organisashon ta paga lus durante un ora. Esaki ta un señal visibel pa mundu i pa importansia di konservashon di naturalesa.
Entidat Públiko Boneiru ta hasi un yamada riba habitantenan, empresarionan i organisashonnan pa partisipá. Paga tur lus ku no ta direktamente nesesario na kas, na trabou òf den bario. Laga tur hende mira ku Boneiru huntu ta asumí responsabilidat pa un ambiente di biba sostenibel. Nos isla, nos responsabilidat.
Tourism Corporation Bonaire tambe ta sostené e akshon pa medio di paga e lusnan di su propio edifisio.
