For di siman pasá Selibon i ekspertonan di Afvalzorg Nederland ta trahando estrechamente huntu riba kombatimentu di e kandelanan bou di tera na Lèntfel Lagun. E aserkamentu ta intensivo, pero e ta funshoná: paso pa paso i na un manera seif nan ta habri e fokonan di kandela i paga nan mesora.
Paga kandela ku kuidou i eksaktitut
Kuidadosamente nan ta koba i habri e sitionan kaminda ainda tin kandela ta kimando pokopoko. Asina ku huma òf kimamentu bira visibel, nan ta basha awa dirigí riba esaki. E método akí ta evitá ku e kandela ta sigui plama mas aleu.
Tin ora tin huma ta sali na momentu di koba pa habri e sitio. Mayoria biaha esaki no ta dura largu i e huma ta disparsé rápidamente. Bo tin molèster tòg di huma òf holó? E ora ei tuma kontakto ku Entidat Públiko Boneiru via +599 777 2243.
Selibon ta siña di ekspertonan
Afvalzorg Nederland no ta traha solamente riba pagamentu di kandela, pero nan ta duna guia tambe na un grupo di empleado di Selibon. Di e manera akí nan ta traspasá konosementu balioso. Meta di esaki ta pa den futuro Selibon por atendé na un manera independiente i profeshonal ku e tipo di situashonnan akí.
E trabou ta sigui den e simannan binidero
Den e simannan binidero Selibon i Afvalzorg Nederland ta sigui traha intensivamente huntu riba pagamentu di e fokonan di kandela na un manera seif. Den e forma akí nan ta edifiká un solushon duradero i seif pa e sentro di shushi i pa e bisindario.
